1 րոպեի ընթերցում
ԱՄՆ նախագահ Դոնալդ Թրամփը հայտարարել է, որ Իրանը «կջնջվի երկրի երեսից», եթե հարձակվի «Project Freedom» նախաձեռնության շրջանակում գործող ամերիկյան նավերի վրա։ Ինչպես հաղորդում է «Արմենպրես»-ը՝ վկայակոչելով Fox News-ը, Թրամփը նման հայտարարություն է արել հեռուստաալիքի լրագրող Թրեյ Յինգստի հետ հարցազրույցում։
«Եթե նրանք հարձակվեն մեր նավերի վրա, Իրանը կջնջվի երկրի երեսից»,– նշել է ԱՄՆ նախագահը՝ հավելելով, որ կարծում է՝ Իրանը դարձել է շատ ավելի ճկուն խաղաղ բանակցություններում։
Թրամփը նաև ընդգծել է, որ տարածաշրջանում ԱՄՆ ռազմական ներկայությունը շարունակաբար ուժեղացվում է։
«Մենք ունենք շատ ավելի բարձր որակի զենք և զինամթերք, քան նախկինում։ Մենք ունենք լավագույն տեխնիկան։ Մենք ունենք բազաներ ամբողջ աշխարհում, որոնք լիովին համալրված են տեխնիկայով։ Մենք կարող ենք օգտագործել այդ ամենը, և կօգտագործենք, եթե անհրաժեշտ լինի»,– հայտարարել է նա։