1 րոպեի ընթերցում
Կանադայի արտաքին գործերի նախարար Անիտա Անանդը, որը վարչապետ Մարկ Քարնիի գլխավորած պատվիրակության կազմում ժամանել է Երևան, այցելել է Ծիծեռնակաբերդի հուշահամալիր։
«Արմենպրես»-ի փոխանցմամբ՝ Կանադայի ԱԳ նախարարը հարգանքի տուրք է մատուցել Հայոց ցեղասպանության զոհերի հիշատակին՝ ծաղիկներ խոնարհելով անմար կրակի մոտ։
Անիտա Անանդը նաև շրջայց է կատարել Հայոց ցեղասպանության թանգարանում։
Այցի ընթացքում Անանդին ուղեկցել է Հայաստանի արտաքին գործերի նախարարի տեղակալ Վահան Կոստանյանը։
Կանադայի վարչապետ Մարկ Քարնիի գլխավորած պատվիրակությունը մայիսի 3-ին ժամանել է Երևան։ Կանադայի վարչապետը մայիսի 4-ին կմասնակցի Եվրոպական քաղաքական համայնքի 8-րդ գագաթնաժողովին։