Փրկարարները հայտնաբերել են մոլորված քաղաքացիներին և ուղեկցել իրենց բնակավայր

ՆԳՆ 112 օպերատիվ կառավարման կենտրոն ապրիլի 18-ին, ժամը 14։15-ին ահազանգ է ստացվել, որ երկու քաղաքացի դուրս են եկել դեպի Թումանյան բնակավայրի անտառ և կորել․ անհրաժեշտ է փրկարարների օգնությունը։

«Արմենպրես»-ի փոխանցմամբ՝ այս մասին հաղորդագրություն է տարածել ՀՀ ՆԳՆ փրկարար ծառայությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Փրկարարները մոլորված անձանց փոխանցած տեղորոշման կոորդինատներով Թումանյան բնակավայրից մոտ 7 կմ հեռավորության վրա՝ «Կուլեթ» կոչվող հանդամասում, հայտնաբերել են մոլորված քաղաքացիներին և ուղեկցել իրենց բնակավայր։