Իսրայելը պատերազմի մեկնարկից ի վեր Լիբանանին ամենամեծ համակարգված հարվածն է հասցրել

2 րոպեի ընթերցում

Իսրայելի զինված ուժերը հայտարարել են, որ Բեյրութում, հարավային Լիբանանում և Բեքաայի շրջանում 10 րոպեի ընթացքում հարվածել են «Հեզբոլլահ»-ի ավելի քան 100 թիրախի՝ սա անվանելով ներկայիս պատերազմի ընթացքում իրականացված ամենամեծ համակարգված հարվածը։ «Արմենպրես»-ի փոխանցմամբ՝ այս մասին հայտնել է Իսրայելի պաշտպանության բանակը (ԻՊԲ) իր Telegram ալիքում։

Ըստ հայտարարության՝ թիրախավորվել են հրթիռային կայաններ, հրամանատարական կենտրոններ և հետախուզական ենթակառուցվածքներ։

«Սա «Մռնչացող առյուծ» գործողության մեկնարկից ի վեր «Հեզբոլլահ»-ի ենթակառուցվածքների դեմ իրականացված ամենամեծ հարվածն է», - նշված է հայտարարության մեջ։

Թիրախների մեծ մասը գտնվում էր քաղաքացիական տարածքներում, և Իսրայելը մեղադրել է «Հեզբոլլահ»-ին քաղաքացիական բնակչությանը որպես կենդանի վահան օգտագործելու համար։

«Լիբանանի պետությունը և նրա քաղաքացիները պետք է մերժեն «Հեզբոլլահ»-ի ամրապնդումը քաղաքացիական տարածքներում և նրա զենքի կարողությունների ավելացումը», - հայտարարել է ԻՊԲ-ն։

Ավելի վաղ Իսրայելի վարչապետ Բենիամին Նեթանյահուի գրասենյակը հայտարարություն էր տարածել, որում ողջունել էր ԱՄՆ-ի և Իրանի միջև հրադադարը՝ միաժամանակ ընդգծելով, որ այն չի տարածվում Լիբանանի վրա՝ չնայած պակիստանցի միջնորդների պնդումներին։

Լիբանանի առողջապահության նախարարությունը հայտարարել է, որ ապրիլի 7-ի տվյալներով՝ Լիբանանում մարտի 2-ից ի վեր զոհերի ընդհանուր թիվը հասել է 1530-ի, իսկ վիրավորներինը՝ 4812-ի։

Լիբանանը մարտի 2-ից ներքաշվել է Մերձավոր Արևելքի պատերազմի մեջ այն բանից հետո, երբ հաջակցություն Իրանի՝ «Հեզբոլլահ» շարժումը հրթիռներ արձակեց Իսրայելի վրա։ Ի պատասխան՝ Իսրայելն ավիահարվածներ է հասցնում Լիբանանին և երկրի հարավում ցամաքային գործողություն է սկսել։

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն