1 րոպեի ընթերցում
Չինաստանը կոչ է անում Իրանում պատերազմի մեջ ներգրավված կողմերին անհապաղ հրադադար հաստատել ու հնարավորինս շուտ սկսել խաղաղության բանակցությունները։ Ինչպես հաղորդում է «Արմենպրես»-ը՝ վկայակոչելով Xinhua-ն, Չինաստանի արտաքին գործերի նախարարության խոսնակ Մաո Նինգը նման հայտարարությամբ է հանդես եկել ապրիլի 2-ին կայացած ճեպազրույցում։
«Ռազմական միջոցները չեն կարող հիմնարար կերպով լուծել խնդիրը, և հակամարտությունների սրումը չի համապատասխանում ոչ մի կողմի շահերին», - ասել է Նինգը՝ կոչ անելով «շահագրգիռ կողմերին անհապաղ դադարեցնել ռազմական գործողությունները»։
Այս հայտարարություններն արվել են այն բանից հետո, ինչ ԱՄՆ նախագահ Դոնալդ Թրամփը հայտարարեց առաջիկա երկու-երեք շաբաթվա ընթացքում Իրանի դեմ հուժկու հարվածներ հասցնելու մտադրության մասին։