1 րոպեի ընթերցում
Ռուսական Ան-26 ռազմական ինքնաթիռը, որի հետ կապն ավելի վաղ կորել էր, բախվել է ժայռին: «Արմենպրես»-ի փոխանցմամբ՝ այդ մասին ՏԱՍՍ-ին հայտնել են վթարի վայրից։
«Ինքնաթիռը բախվել է ժայռին», - ասել է գործակալության զրուցակիցը։
Մարտի 31-ին Մոսկվայի ժամանակով ժամը 18:00-ի սահմաններում Ղրիմի թերակղզու վրայով պլանային թռիչքի ժամանակ կորել էր կապն Ան-26 ինքնաթիռի հետ։ Ինչպես հաղորդել են Ռուսաստանի պաշտպանության նախարարությունում, ավելի ուշ որոնողական-փրկարարական խումբը հայտնաբերել է վթարի վայրը։ Դեպքի վայրից ստացված զեկույցի համաձայն՝ անձնակազմի վեց անդամները և 23 ուղևորները զոհվել են։
Ինքնաթիռին խոցող ներգործություն չի եղել։ Վթարի նախնական պատճառը տեխնիկական անսարքությունն է։ Դեպքի վայրում աշխատում է ռազմական գերատեսչության հանձնաժողովը: