ՔՊ-ում ընթանում է ներքին քվեարկությունը. ընտրում են վարչապետի թեկնածու և որոշում ընտրացուցակի առաջին 50 հորիզոնականների դասավորությունը
1 րոպեի ընթերցում
Ընթանում է Հայաստանում իշխող «Քաղաքացիական պայմանագիր» կուսակցության ներքին քվեարկությունը։
«Արմենպրես»-ի փոխանցմամբ՝ այդ մասին հայտնել է ՀՀ վարչապետ, «Քաղաքացիական պայմանագիր» կուսակցության վարչության նախագահ Նիկոլ Փաշինյանը։
««Քաղաքացիական պայմանագիր» կուսակցության ներքին քվեարկությունը սկսվեց․ ընտրում ենք ՀՀ վարչապետի թեկնածու և որոշում ենք ընտրական ցուցակի առաջին 50 հորիզոնականի դասավորությունը»,- գրել է վարչապետը։
«Քաղաքացիական պայմանագիր» կուսակցության ներկայացուցիչներն ավելի վաղ ներկուսակցական քվեարկությամբ որոշել էին, թե ովքեր են լինելու կուսակցության նախընտրական ցուցակի առաջին 50 հորիզոնականում, իսկ դասավորությունն արդեն որոշում են երկրորդ փուլի քվեարկությամբ։
Հայաստանում խորհրդարանական հերթական ընտրությունները կայանալու են 2026 թվականի հունիսի 7-ին։