1 րոպեի ընթերցում
ԱՄՆ նախագահ Դոնալդ Թրամփը հայտարարել է, որ Իրանը շահագրգռված է համաձայնագրի հասնելու հարցում, սակայն վախենում է ընդունել դա։ «Արմենպրես»-ի փոխանցմամբ՝ այս մասին հաղորդում է The Associated Press գործակալությունը։
«Նրանք բանակցում են և շատ են ցանկանում համաձայնության հասնել, բայց վախենում են այդ մասին ասել, քանի որ կարծում են, որ սեփական ժողովուրդն իրենց կսպանի», - Վաշինգտոնում հանրապետականների համար կազմակերպված դրամահավաքի ժամանակ ասել է Թրամփն Իրանի ղեկավարության մասին։
Նա նշել է, թե ոչ ոք չի ցանկանում ղեկավարել Իրանը, քանի որ վախենում են, որ ԱՄՆ-ն իրենց կսպանի։
«Նրանք նաև վախենում են, որ կսպանվեն մեր կողմից», - ասել է նա։
Բանակցությունների վերաբերյալ Թրամփի հայտարարությունը հակասում է Իրանի կողմից հնչող հայտարարություններին։ ԱԳ նախարար Աբբաս Արաղչին հայտարարել է, որ Իրանը բանակցություններ չի վարում Վաշինգտոնի հետ և շարունակելու է պայքարը։