1 րոպեի ընթերցում
Իսրայելի պաշտպանության բանակը (ԻՊԲ) հաղորդել է, որ հարվածներ է հասցրել Սիրիայի հարավում գտնվող օբյեկտների: «Արմենպրես»-ի փոխանցմամբ՝ այս մասին ԻՊԲ-ն գրել է իր Telegram ալիքում։
Բանակը նշում է, որ հարվածներն իրականացվել են՝ ի պատասխան մարտի 19-ին Սիրիայի աս-Սուեյդայի նահանգում դրուզ քաղաքացիական անձանց վրա հարձակումների։
Հարվածների թիրախներ են դարձել երկրի հարավում սիրիական բանակի ռազմական օբյեկտներում գտնվող հրամանատարական կենտրոնները և զենքերը։
«ԻՊԲ-ն չի հանդուրժի Սիրիայի դրուզ բնակչությանը հասցված վնասը և կշարունակի գործել նրանց պաշտպանելու համար», - նշված է հաղորդագրության մեջ։
Սուեյդայի շրջանում գործող դրուզ աշխարհազորայինները հայտնել են, որ մարտի 19-ին զոհվել է 9 մարդ՝ չպարզաբանելով, թե ինչ հանգամանքներում։