1 րոպեի ընթերցում
Գերմանիայի կանցլեր Ֆրիդրիխ Մերցը հապճեպ է համարում ատոմային էներգետիկայից հրաժարվելու վերաբերյալ իր երկրի որոշումը՝ նշելով, որ այն ենթակա չէ վերանայման։ «Արմենպրես»-ի հաղորդմամբ՝ այս մասին հայտնում է գերմանական NiUS պորտալը։
«Դա անշրջելի որոշում է։ Ցավում եմ դրա համար»,- հայտարարել է Մերցը։
Նա խոստովանել է, որ կիսում է միջուկային էներգետիկայի կարեւոր դերի մասին Եվրահանձնաժողովի ղեկավար Ուրսուլա ֆոն դեր Լեյենի կարծիքը։ Միաժամանակ, Մերցը պարզաբանել է, որ դա սկզբունքային նշանակություն չունի Գերմանիայի համար, քանի որ կառավարությունը նախկինում որոշել էր հրաժարվել ատոմակայաններից։
Փարիզում մարտի 10-ին մեկնարկած համաժողովում, որը նվիրված է էներգետիկայի ապագային, ֆոն դեր Լեյենը «ռազմավարական սխալ» է որակել Եվրոպայի հրաժարվելը միջուկային էներգետիկայից։