Հայաստանն ու Հունաստանը քննարկել են արդարադատության ոլորտում համագործակցության քայլերը
1 րոպեի ընթերցում
Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Հունաստանի արդարադատության նախարարության գլխավոր քարտուղար Պելոպս Լասկոսի հետ։
«Արմենպրես»-ի հաղորդմամբ՝ այս մասին նշված է ՀՀ դեսպանության տարածած հաղորդագրության մեջ։
Նշվում է, որ հանդիպմանը քննարկվել են արդարադատության ուղղությամբ Հայաստանի և Հունաստանի միջև ինստիտուցիոնալ համագործակցություն հաստատելու քայլերը։
Տիգրան Մկրտչյանը ներկայացրել է Հայաստանում այդ բնագավառում իրականացվող բարեփոխումները և Եվրոպական միության կարևոր դերակատարությունն այդ հարցում։
Պելոպս Լասկոսը, ընդգծելով, որ 2027 թվականին Հունաստանը նախագահելու է Եվրոպական միությունում, մատնանշել է, որ ԵՄ գործունեության երեք հիմնասյուներից մեկը հենց արդարադատության համակարգում համագործակցությունն է անդամ և գործընկեր պետությունների միջև։