368.52
ՀՀ ԱԳՆ-ն աջակցություն է ցուցաբերել Մասկատ-Երևան թռիչքների թույլտվությունների ստացման հարցում
1 րոպեի ընթերցում
Մերձավոր Արևելքում զարգացումների ֆոնին Հայաստանի Հանրապետության արտաքին գործերի նախարարությունն աջակցություն է ցուցաբերել Մասկատ-Երևան թռիչքների թույլտվությունների ստացման հարցում։
«Արմենպրես»-ի հաղորդմամբ՝ այս մասին հայտնում է ՀՀ ԱԳՆ խոսնակ Անի Բադալյանը՝ մանրամասնելով, որ դեսպանության դիվանագետը ներկա է գտնվել ԱՄԷ-Օման սահմանին` ԱՄԷ-ից Օման ՀՀ քաղաքացիների մուտքը դյուրացնելու նպատակով։
Նշվում է, որ Մասկատի օդանավակայանում դեսպանության դիվանագետի կողմից ՀՀ քաղաքացիներին ցուցաբերվել է անհրաժեշտ աջակցություն։
«Մասկատ-Երևան չվերթների ուղևորներից բացի, ռազմական գործողությունների սկսվելու պահին Օմանում գտնվող 3 քաղաքացի արդեն իսկ վերադարձել է ՀՀ»,-նշել է ԱԳՆ խոսնակը։
Հաղորդվում է, որ այս պահին Օմանում ՀՀ դեսպանության հետ կապ է հաստատել Օմանում գտնվող ՀՀ 5 քաղաքացի:
«Բոլորի հետ դեսպանությունը կապի մեջ է: Ավիաընկերությունների կողմից ապահովված են կեցության պայմանները, քննարկվում են ՀՀ մեկնելու տարբերակները»,-ասված է Անի Բադալյանի տարածած հաղորդագրության մեջ։
Բաժանորդագրվեք մեր ալիքին Telegram-ում