Գեղարքունիքի մարզի ճանապարհների հիմնանորոգման նախագծերի ձեռքբերման համար հատկացվել է 32 միլիոն 961 հազար դրամ
2 րոպեի ընթերցում
Հայաստանի կառավարության 2026 թվականի մարտի 5-ի նիստում որոշում է կայացվել 32 միլիոն 961 հազար դրամ հատկացնել Գեղարքունիքի մարզի մի շարք ճանապարհների և տրանսպորտային հանգույցների հիմնանորոգման նախագծերի և փորձաքննության ծառայությունների ձեռքբերման համար։
«Արմենպրես»-ի թղթակցի Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից տեղեկացրին, որ 894 հազար դրամ հատկացվել է Սևան- Շողակաթ-Վարդենիս մայրուղուց Ծափաթաղ գյուղ մտնող մարզային նշանակության ավտոճանապարհի 800 մետր հատվածի հիմնանորոգման, 975 հազար դրամ՝ Գավառ- Նորատուս - Սևանա լիճ տեղական նշանակության ավտոճանապարհի 2400 մետր հատվածի հիմնանորոգման, 15 միլիոն 66 հազար դրամ՝ Մարտունի - Վաղաշեն - Աստղաձոր - Զոլաքար- Վարդենիկ տեղական նշանակության ավտոճանապարհի 800 մետր հատվածի հիմնանորոգման,15 միլիոն 66 հազար դրամ՝ Մեծ Մասրիկ - Կախակն տեղական նշանակության ավտոճանապարհի 6200 մետր հատվածի հիմնանորոգման, 960 հազար դրամ՝ Ճամբարակ- հանրապետական նշանակության ավտոճանապարհի 20-րդ կիլոմետրում (Այգուտ բնակավայր 1-ին փողոց թիվ 92 տան հարակից հատված) հողային պաստառի շեպի ամրացման նախագծերի պատրաստման, ծախսերի գնահատման և փորձաքննության ծառայությունների մատուցման համար։