1 րոպեի ընթերցում
Իրանի հարավային Հորմոզգան նահանգի դպրոցի տասնյակ աշակերտներ մնացել են փլատակների տակ՝ Իսրայելի հասցրած հարվածների հետևանքով։
«Արմենպրես»-ի հաղորդմամբ՝ այս մասին հայտնում է ISNA-ն։
Գործակալությունը նշել է, որ նույն տարածքում գտնվող հիվանդանոցը նույնպես մասնակի վնասներ է կրել։
Ըստ լրատվամիջոցների հաղորդագրությունների՝ հարվածի թիրախը եղել է Մինաբ շրջանի տարրական դպրոցը:
Mehr գործակալությունը մեջբերել է Մինաբի նահանգապետի խոսքը, որը տեղեկացրել է, որ Իսրայելի կողմից շրջանի աղջիկների տարրական դպրոցի վրա հարձակման հետևանքով զոհերի թիվը հասել է 24-ի։
Փետրվարի 28-ի առավոտյան Իսրայելի արտաքին գործերի նախարարությունը հայտարարել էր, որ Իսրայելը կանխարգելիչ հարված է հասցրել Իրանին՝ Իսրայելին սպառնացող վտանգը չեզոքացնելու համար։ Ավելի ուշ ԱՄՆ նախագահ Դոնալդ Թրամփը հայտարարել էր, որ Միացյալ Նահանգները ևս ներգրավված է Իսրայելի դեմ գործողություններում՝ լայնածավալ ռազմական գործողություններ սկսելով այդ երկրի դեմ։
Իրանի Իսլամական հեղափոխության պահապանների կորպուսը իր հերթին հայտարարել է, որ բալիստիկ հրթիռներ և ԱԹՍ-ներ է ուղարկել Իսրայելի ուղղությամբ։ Իրանը հարվածներ է հասցրել նաև ԱՄԷ-ում, Կատարում, Բահրեյնում և Քուվեյթում գտնվող ԱՄՆ ռազմական բազաներին։