2026-ը կարևոր տարի է հայ-շվեյցարական հարաբերությունների համար․ Շվեյցարիայի ԱԳ նախարար

Շվեյցարիայի արտաքին գործերի նախարար Իգնասիո Կասիսը X-ի իր միկրոբլոգում անդրադարձել է ՀՀ ԱԳ նախարար Արարատ Միրզոյանի հետ հանդիպմանը։

Good exchange with FM @AraratMirzoyan.

2026 is an important year for 🇨🇭-🇦🇲 relations with the opening of Armenia's embassy in Berne, the European Political Community (EPC) summit & Biodiversity COP17 hosted by Armenia.

As #OSCE Chair, I welcomed the positive momentum between… pic.twitter.com/TMbFM5T2bP

— Ignazio Cassis (@ignaziocassis) February 23, 2026

«Մտքերի լավ փոխանակում ԱԳ նախարար Արարատ Միրզոյանի հետ։ 2026 թվականը կարևոր տարի է հայ-շվեյցարական հարաբերությունների համար՝ Բեռնում Հայաստանի դեսպանության բացմամբ, ինչպես նաև Հայաստանում կայանալիք Եվրոպական քաղաքական համայնքի (EPC) գագաթնաժողովով և Կենսաբազմազանության COP17 համաժողովով»,- «Արմենպրես»-ի հաղորդմամբ՝ գրել է Կասիսը։

Որպես ԵԱՀԿ նախագահ, նա ողջունել է Հայաստանի և Ադրբեջանի միջև դրական դինամիկան և կոչ արել շարունակել ջանքերը կայուն խաղաղության հաստատման ուղղությամբ։