Արարատ Միրզոյանն աշխատանքային այց կկատարի Շվեյցարիա

Հայաստանի արտաքին գործերի նախարար Արարատ Միրզոյանը փետրվարի 23-24-ն աշխատանքային այցով կգտնվի Շվեյցարիայում։

«Արմենպրես»-ի փոխանցմամբ՝ այս մասին հայտնել է ՀՀ ԱԳՆ մամուլի խոսնակ Անի Բադալյանը։ 

Արարատ Միրզոյանը Ժնևում կմասնակցի ՄԱԿ մարդու իրավունքների խորհրդի և Զինաթափման համաժողովի բարձրաստիճան հատվածներին և հանդես կգա ելույթներով: Ծրագրված են նաև երկկողմ հանդիպումներ: