368.52
Փաշինյանը Հայաստանում երդվյալ ատենակալների ինստիտուտ ներդնելու անհրաժեշտություն է տեսնում
1 րոպեի ընթերցում
Հայաստանի վարչապետ Նիկոլ Փաշինյանը դատական համակարգում երդվյալ ատենակալների ինստիտուտ ներդնելու անհրաժեշտություն է տեսնում:
«Արմենպրես»-ի փոխանցմամբ՝ այս մասին Փաշինյանը նշեց կառավարության նիստից հետո տեղի ունեցած ճեպազրույցում:
«Շարունակելու ենք բարեփոխումները, այդ թվում՝ Սահմանադրական փոփոխությունների տրամաբանության մեջ: Կարծում եմ, որ Հայաստանում պետք է ներդրվի երդվյալ ատենակալների ինստիտուտ, որը նաև դատական համակարգի օրգանական ու շատ ուղիղ կապը կստեղծի հանրության հետ»,- ասաց Փաշինյանը:
Վարչապետը հավելեց՝ ի տարբերություն 2018 և 2019 թվականների, այժմ պակասել են իրեն հասցեագրվող այնպիսի նամակները, որոնցում քաղաքացիները դժգոհություն են հայտնում դատական համակարգի կայացրած որոշումներից:
«Ներկայում այդպիսի նամակների տեսակարար կշիռն անգամներով, եթե ոչ՝ տասնյակ անգամներով է նվազել: Ես քաղաքացիներից նամակներ ստանում եմ ամեն օր, կարդում եմ ամեն օր, դրանցով զբաղվում եմ ամեն օր»,- նշեց վարչապետը:
Բաժանորդագրվեք մեր ալիքին Telegram-ում