Պակիստանում հարսանիքի ընթացքում մահապարտը պայթեցրել է իրեն, զոհվել է 7 մարդ

Պակիստանում հարսանիքի ժամանակ մահապարտ ահաբեկչի իրականացրած պայթյունի զոհերի թիվը հասել է 7-ի:

 «Արմենպրես»-ի փոխանցմամբ՝ ինչպես հայտնում է Associated Press-ը:

Պայթյունը տեղի է ունեցել հունվարի 23-ին Պակիստանի հյուսիս-արևմուտքում Դերա Իսմայիլ Խան շրջանում կառավարամետ համայնքի առաջնորդ Նուր Ալամ Մեհսուդի տանը հարսանեկան արարողության ժամանակ: Մահապարտը հյուրերի շրջանում պայթեցրել է իր պայթուցիկ բաճկոնը:  Զոհերի թիվն այս պահին 7-ն է, վիրավորվել է 25 մարդ: