1 րոպեի ընթերցում
Պաղեստինյան ՀԱՄԱՍ շարժումը համաձայնել է հանձնել զենքերը քաղաքական կուսակցության կարգավիճակ ստանալու դիմաց։ «Արմենպրես»-ի հաղորդմամբ՝ այս մասին հայտնում է Sky News Arabia-ն՝ հղում անելով իր աղբյուրներին։
Աղբյուրների տվյալներով՝ ՀԱՄԱՍ-ի ղեկավարության մի մասը կարող է լքել Գազայի հատվածը, իսկ ԱՄՆ-ն պարտավորվում է ապահովել անվտանգության համապատասխան երաշխիքներ։
Միևնույն ժամանակ նշվում է, որ Իսրայելը լուրջ առարկություններ է հայտնել հնարավոր պայմանավորվածությունների մի շարք կետերի վերաբերյալ։ Մասնավորապես, իսրայելական կողմը դեմ է հանդես գալիս ՀԱՄԱՍ-ի՝ քաղաքական դաշտում պահպանմանը նույնիսկ զենքը հանձնելու պարագայում։