1 րոպեի ընթերցում
Միացյալ Նահանգները պետք է պատասխանատվության ենթարկվի այն գործողությունների համար, որոնք ձեռնարկել է Իրանի նկատմամբ: «Արմենպրես»-ի փոխանցմամբ՝ այս մասին ասել է Իրանի արտաքին գործերի նախարար Աբբաս Արաղչին։
«Ամերիկան պետք է պատասխանատվություն կրի իր գործողությունների համար», - մեջբերում է նրա խոսքն ISNA գործակալությունը։
Արաղչին ընդգծել է, որ Իսլամական Հանրապետության իշխանությունները մտադիր են այսուհետ էլ պաշտպանել իրանցիների իրավունքներն ու շահերը։
Իրանում դեկտեմբերի 28-ից բողոքի ակցիաներ էին սկսվել իրանական ռիալի փոխարժեքի կտրուկ նվազման և բարձր գնաճի դեմ։ Հունվարի 8-ից, ըստ Իրանի իշխանությունների, ցուցարարների շարքում հայտնվել են զինված ահաբեկիչներ։ Երկու շաբաթից ավելի տևած հակակառավարական ցույցերի ընթացքում մի քանի հազար մարդ է զոհվել, այդ թվում՝ իրավապահներ։ Իրանի իշխանություններն անկարգությունների կազմակերպման պատասխանատու են համարում Իսրայելին և Միացյալ Նահանգներին։
ԱՄՆ նախագահ Դոնալդ Թրամփն ավելի վաղ նախազգուշացրել էր, որ լրջորեն դիտարկում է Իսլամական Հանրապետության դեմ ուժի կիրառման հնարավորությունը ցուցարարների զանգվածային սպանությունների դեպքում: