Ճապոնիայի վարչապետը հայտնել է երկրում արտահերթ խորհրդարանական ընտրությունների մասին

Ճապոնիայի վարչապետ Սանաե Տակաիչին հայտարարել է, որ փետրվարի 8-ին կհայտարարի ազգային ընտրություններ՝ ընտրողների աջակցությունը ստանալու ծախսերի ավելացման, հարկերի կրճատման և նոր անվտանգության ռազմավարության համար, որը պետք է արագացնի Ճապոնիայի պաշտպանական հզորացումը։

«Ես այս ընտրություններում դնում որպես վարչապետ իմ քաղաքական ապագայի հարցը։ Ես ուզում եմ, որ հանրությունը ուղղակիորեն գնահատի, թե արդյոք կվստահեն ինձ երկիրը կառավարելու համար»,-«Արմենպրես»-ի փոխանցմամբ, մամուլի ասուլիսում ասել է Տակաիչին։

Ինչպես հաղորդում է Reuters-ը, նա խոստացել է երկու տարով դադարեցնել սննդի վրա 8% սպառողական հարկը և ասել, որ իր ծախսերի ծրագրերը կստեղծեն աշխատատեղեր, կբարձրացնեն հարկային եկամուտները։

Արտահերթ ընտրություններում քվեարկությունը կորոշի խորհրդարանի ստորին պալատի բոլոր 465 տեղերը և կդառնա Տակաիչիի առաջին ընտրական փորձությունը՝ հոկտեմբերին երկրի առաջին կին վարչապետը դառնալուց ի վեր։

Վաղաժամկետ ընտրությունների անցկացումը նրան թույլ կտա օգտվել հանրային ուժեղ աջակցությունից՝ իշխող Լիբերալ-դեմոկրատական ​​կուսակցության նկատմամբ իր դիրքերն ամրապնդելու և իր կոալիցիայի փխրուն մեծամասնությունը ամրապնդելու համար։