Ալեն Սիմոնյանը շնորհակալություն է հայտնել Թուրքիայի ԱԳ նախարարին խաղաղության օրակարգին աջակցելու համար
1 րոպեի ընթերցում
Հայաստանի Ազգային ժողովի նախագահ Ալեն Սիմոնյանը ճեպազրույցի ընթացքում անդրադարձել է Թուրքիայի արտաքին գործերի նախարար Հաքան Ֆիդանի հայտարարությանը՝ շնորհակալություն հայտնելով խաղաղությանը և տարածաշրջանային համագործակցությանն ուղղված կոչերի համար։
«Շնորհակալություն եմ հայտնում Թուրքիայի արտաքին գործերի նախարարին և տարածաշրջանային մեր բոլոր այն գործընկերներին, որոնք աջակցում են Հայաստանի Հանրապետության հանրության մեծամասնության՝ խաղաղության գնալու և առևտուր անելու, ինչպես նաև «TRIPP»-ի շրջանակներում այդ առևտուրը զարգացնելու կոչերին»,– «Արմենպրես»-ի հաղորդմամբ՝ ասաց ԱԺ նախագահը։
Ավելի վաղ, Թուրքիայի արտաքին գործերի նախարար Հաքան Ֆիդանը հայտարարել էր, որ Անկարան ակնկալում է Ադրբեջանի և Հայաստանի միջև նախաստորագրված համաձայնագրի ստորագրում և Թուրքիայի ու Հայաստանի միջև հարաբերությունների կարգավորման՝ հնարավորինս արագ կյանքի կոչում։
Թուրքիայի ԱԳ նախարարը նաև անդրադարձել էր Հայաստանում սպասվող 2026 թվականի հունիսին կայանալիք ընտրություններին՝ նշելով, որ այդ գործընթացը կարևոր փուլ է լինելու։