1 րոպեի ընթերցում
Ֆրանսիայի խորհրդարանի ստորին պալատը մերժել է կառավարությանն անվստահություն հայտնելու բանաձևը։ «Արմենպրես»-ի փոխանցմամբ, ինչպես հայտնում է ՏԱՍՍ-ը, քվեարկության արդյունքները հայտնել է Ազգային ժողովի նախագահ Յաել Բրոն-Պիվեն։
«Կողմ» է քվեարկել 256 պատգամավոր, մեծամասնություն չկա, որոշումը չի ընդունվել»,- նշել է նա։
Բանաձևի ընդունման համար անհրաժեշտ է եղել 289 «կողմ» ձայն։
Ավելի վաղ ձախակողմյան «Անհնազանդ Ֆրանսիա» կուսակցությունն Ազգային ժողովին էր ներկայացրել վարչապետ Սեբաստիան Լեկոռնյուի կառավարությանն անվստահություն հայտնելու մասին բանաձև, քանի որ համարել էր, որ կառավարությունը բավարար ջանքեր չի գործադրել կանխելու Եվրամիության ղեկավարության կողմից հարավամերիկյան ընդհանուր շուկայի (MERCOSUR) հետ առևտրային գործարքի ստորագրումը: