Մի շարք երկրներ դատապարտել են Արևմտյան ափում բնակավայրեր կառուցելու Իսրայելի ծրագիրը

2 րոպեի ընթերցում

Մեկ տասնյակից ավելի երկրներ դատապարտել են Իսրայելի կառավարության կողմից օկուպացված Արևմտյան ափում 19 նոր բնակավայրի կառուցման հաստատումը՝ նշելով, որ դա խախտում է միջազգային իրավունքը և անկայունություն հրահրում։ «Արմենպրես»-ի փոխանցմամբ՝ այս մասին հաղորդում է Reuters-ը։

«Մենք կոչ ենք անում Իսրայելին չեղարկել այս որոշումը, ինչպես նաև բնակավայրերի ընդլայնումը», - նշվում է Մեծ Բրիտանիայի, Բելգիայի, Դանիայի, Ֆրանսիայի, Իտալիայի, Իսլանդիայի, Իռլանդիայի, Ճապոնիայի, Մալթայի, Նիդեռլանդների, Նորվեգիայի և Իսպանիայի կողմից տարածված համատեղ հայտարարության մեջ։ 

Ըստ հայտարարության՝ նման միակողմանի գործողությունները ոչ միայն խախտում են միջազգային իրավունքը, այլև կարող են անկայունություն հրահրել։

Իսրայելի արտաքին գործերի նախարար Գիդեոն Սաարը X միկրոբլոգում գրառման մեջ մերժել է օտարերկրյա պետությունների հայտարարությունը՝  նշելով, որ որոշման նպատակն է օգնել լուծել Իսրայելի առջև ծառացած անվտանգության սպառնալիքները։

«Արտասահմանյան կառավարությունները չեն սահմանափակի հրեաների իրավունքը՝ ապրել Իսրայելի հողում, և ցանկացած նման կոչ բարոյապես սխալ է և խտրական հրեաների նկատմամբ», - ասել է նա։

Իսրայելի ֆինանսների նախարար Բեզալել Սմոտրիչն ավելի վաղ հայտարարել էր, որ Իսրայելի կառավարությունը հաստատել է Արևմտյան ափում 19 նոր հրեական բնակավայրի կառուցման առաջարկը։

2023 թվականի հոկտեմբերի 7-ին Գազայի հատվածում պատերազմի մեկնարկից ի վեր Իսրայելն արագացրել է բնակավայրերի կառուցումը և հայտարարել Արևմտյան ափում իր ներկայությունն ընդլայնելու ծրագրերի մասին։ Այդ բնակավայրերը միջազգային իրավունքի համաձայն համարվում են անօրինական։

Մերձավոր Արևելք

Իսրայելի կառավարությունը հաստատել է Արևմտյան ափում 19 նոր հրեական բնակավայր կառուցելու ծրագիրը

Հայերեն Русский

Արարատ Միրզոյանը Բրյուսելում հանդիպել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցչի հետ

Ֆոն դեր Լայենը բարձր է գնահատել Քիշնևի առաջընթացը ԵՄ-ին անդամակցելու ճանապարհին՝ չնայած գործադրվող ճնշումներին. Moldpres

Երիտասարդ ամուսինները լեռներում հյուրատուն են հիմնել

Թափառող շների հարձակումների կանխարգելումը պահանջում է հրատապ և համակարգային լուծում՝ կենդանիների նկատմամբ մարդասիրական վերաբերմունքի հաշվառմամբ․ ՄԻՊ

ԱՄՆ-ն թույլ չի տա, որ Իրանի դեմ պատերազմը ձգձգվի տարիներ. Վենս

Արարատ Միրզոյանը հանդիպել է Ռումինիայի արտաքին գործերի նախարարի հետ

Ախուրիկում կառուցվում է նոր երիտասարդական կենտրոն

Ազգային ժողովի նիստ

Անհրաժեշտ կլինեն բարդ որոշումներ. Քուշները հայտնել է ռուս-ուկրաինական հակամարտության կարգավորման գործում առաջընթացի մասին

Վարդան Ոսկանյանը կշարունակի ղեկավարել Հայաստանի ձյուդոյի ֆեդերացիան