368.59
Մարտունի քաղաքի մշակույթի կենտրոնում տեղի է ունեցել տարեվերջյան մարզական մրցանակաբաշխություն
2 րոպեի ընթերցում
Գեղարքունիքի մարզի Մարտունի քաղաքի մշակույթի տանը տեղի է ունեցել տարեվերջյան մարզական մրցանակաբաշխություն, որին մասնակցել են Մարտունիի համայնքապետարանի և մարզադպրոցի աշխատակիցներ, մարզիկներ, մարզիչներ, հյուրեր։
Ինչպես «Արմենպրես»-ին տեղեկացրին Մարտունիի համայնքապետարանի աշխատակազմից, «Մարտունու մարզադպրոցի լավագույն մարզիչ» անվանակարգում տարվա լավագույնը ճանաչվել է ֆուտբոլի մարզիչ Արթուր Սաֆարյանը, իսկ «Մարտունու մարզադպրոցի լավագույն մարզիկ» անվանակարգում լավագույն մարզիկներ են ճանաչվել 2025 թվականի ընթացքում բռնցքամարտ մարզաձևում մեծ հաջողություններ գրանցած Սիմոն Սիմոնյանը, Կարեն Զախարյանը և Էլեն Բարսեղյանը:
Մրցանակակիրներին Մարտունիի մարզադպրոցի տնօրեն Սամվել Մոսեյանի կողմից հանձնվել են հավաստագրեր և հուշանվերներ։
Մի շարք մրցանակներ ստացել են նաև Հայաստանի բռնցքամարտի ֆեդերացիայի Գեղարքունիքի մարզի շնորհալի մարզիկներ և մարզիչներ։
Միջոցառումը նաև նշանավորվել է կես դարից ավելի բռնցքամարտի մարզչական կենսագրություն ունեցող վաստակաշատ վարպետ Վազգեն Շահինյանի մարզական կարիերայի ավարտի առթիվ մեծարման հանդիսավոր արարողությամբ․ վերջինս ՀՀ Գեղարքունիքի մարզի բռնցքամարտի ֆեդերացիայի նախագահ Գևորգ Սարգսյանի կողմից արժանացել է պատվոգրի և հուշանվերի։
Մրցանակաբաշխության արարողությունը եզրափակվել է համերգային ծրագրով։
Բաժանորդագրվեք մեր ալիքին Telegram-ում