Ուկրաինայի զինված ուժերը հայտնել են ռազմաճակատի երկայնքով ռուսական ուժերի դեմ 235 մարտերի մասին․ ծանր մարտեր են մղվել Պոկրովսկի հատվածում
1 րոպեի ընթերցում
Ուկրաինայի զինված ուժերի գլխավոր շտաբը հայտնել է դեկտեմբերի 20-ին Ուկրաինայի և Ռուսաստանի զինված ուժերի միջև 235 մարտերի մասին ռազմաճակատի երկայնքով, որոնցից 72-ը տեղի են ունեցել Պոկրովսկի հատվածում։
«Արմենպրես»-ի փոխանցմամբ՝ ինչպես հայտնում է Ukrinform-ը, ռուսական ուժերը 70 ավիահարվածներ են հասցրել ուկրաինական դիրքերին և բնակավայրերին՝ օգտագործելով 166 կառավարվող ավիառումբեր։ Ռուսական կողմը 3609 հրետանային հարձակում է իրականացրել։
Նշվում է, որ սկսած դեկտեմբերի 20-ի ժամը 18։00-ից՝ ռուսական զինված ուժերը «Շահեդ» տեսակի 97 ԱԹՍ-ներով հարձակումներ են իրականացրել Ուկրաինայի տարածքի վրա։ Ուկրաինայի զինված ուժերը չեզոքացրել են Ռուսաստանի արձակած 97 ԱԹՍ-ներից 75-ը․
Հաղորդվում է նաև, որ ռուսական հարձակման հետևանքով Ուկրաինայի Ռովնո շրջանում քաղաքացիական ենթակառուցվածք է վնասվել։ Ռովնոշրջանի տարածաշրջանային ռազմական ադմինիստրացիայի ղեկավար Օլեքսանդր Կովալը հայտնել է, որ ենթակառուցվածքի աշխատակիցներից մեկը վիրավորվել է, նրան բժշկական օգնություն է ցուցաբերվել։