Ռուսաստանը և Ուկրաինան կատարել են զոհված զինվորականների մարմինների հերթական փոխանակումը

Ստամբուլի համաձայնությունների շրջանակում Ուկրաինային է հանձնվել 1000 զոհված զինվորականի մարմին, Ռուսաստանին՝ 26։ «Արմենպրես»-ի փոխանցմամբ՝ այս մասին Telegram-ում գրել է Ռուսաստանի Դաշնության նախագահի օգնական Վլադիմիր Մեդինսկին։

Ուկրաինական համակարգման շտաբն իր հերթին հայտնել է, որ Կիևը ստացել է 1003 մարմին, մոտ օրերս կսկսվի նրանց նույնականացումը։

Մարմինների նախորդ փոխանակումը տեղի է ունեցել նոյեմբերին։ Այդ ժամանակ Մոսկվան Կիևին է հանձնել 1000 զոհված ուկրաինացի զինծառայողի մարմին, Կիևը՝ 30 մարմին: Մինչ այդ Ուկրաինան և Ռուսաստանը մարմինների փոխանակում էին կատարել հոկտեմբերին՝ 1000-ը 31-ի դիմաց։

Տարվա սկզբից կողմերը մի քանի հանդիպում են անցկացրել Ստամբուլում, որոնց արդյունքում համաձայնել են շարունակել նաև ծանր վիրավորների և հիվանդների փոխանակումները։