Նեթանյահուն հայտարարել է Եգիպտոսի հետ շուրջ 35 միլիարդ դոլարի բնական գազի գործարքի մասին

2 րոպեի ընթերցում

Իսրայելի վարչապետ Բենիամին Նեթանյահուն հայտարարել է, որ հաստատել է Իսրայելի պատմության մեջ ամենամեծ էներգետիկ գործարքը՝ հարևան Եգիպտոսի հետ 112 միլիարդ շիկելի (34.7 միլիարդ դոլար) գազի մատակարարման վերաբերյալ։

«Արմենպրես»-ի փոխանցմամբ՝ այս մասին հայտնում է Times of Israel-ը։

Էներգետիկայի նախարար Էլի Քոհենի հետ տեսաուղերձում Նեթանյահուն հայտնել է, որ Կահիրեի հետ բնական գազի գործարքից 58 միլիարդ շեկելը (18 միլիարդ դոլար) կփոխանցվի պետական ​​գանձարան։  Նրա խոսքով՝ առաջին չորս տարիների ընթացքում պետությունը կստանա տարեկան մոտ 500 միլիոն շեկել (155 միլիոն դոլար), և կանխատեսվում է, որ մինչև 2033 թվականը այդ գումարը կհասնի տարեկան 6 միլիարդ շեկելի (1.9 միլիարդ դոլար)։ 

«Համաձայնագիրը կնքվել է ամերիկյան Chevron ընկերության իսրայելցի գործընկերների հետ, որոնք գազ կմատակարարեն Եգիպտոսին»,- նշել է Նեթանյահուն։

«Այս գումարը կամրապնդի կրթությունը, առողջապահությունը, ենթակառուցվածքները, անվտանգությունը, գալիք սերունդների ապագան»,- ասել է նա՝ հավելելով, որ գործարքը, որը հետաձգվել էր հոկտեմբերին, հաստատել է միայն այն բանից հետո, երբ համոզվել է, որ այն բավարարում է Իսրայելի կենսական կարիքները, այդ թվում՝ անվտանգությունը։ 

«Գործարքը մեծապես ամրապնդում է Իսրայելի դիրքերը որպես տարածաշրջանային էներգետիկ գերտերություն և նպաստում է տարածաշրջանային կայունությանը», - ընդգծել է Նեթանյահուն։ 

Նախարար Քոհենն իր հերթին գործարքն անվանել է «պատմական պահ Իսրայելի համար» և նշել, որ դա երկրի պատմության մեջ ամենամեծ արտահանման գործարքն է։ 

Հայերեն Русский

Արարատ Միրզոյանը Բրյուսելում հանդիպել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցչի հետ

Ֆոն դեր Լայենը բարձր է գնահատել Քիշնևի առաջընթացը ԵՄ-ին անդամակցելու ճանապարհին՝ չնայած գործադրվող ճնշումներին. Moldpres

Երիտասարդ ամուսինները լեռներում հյուրատուն են հիմնել

Թափառող շների հարձակումների կանխարգելումը պահանջում է հրատապ և համակարգային լուծում՝ կենդանիների նկատմամբ մարդասիրական վերաբերմունքի հաշվառմամբ․ ՄԻՊ

ԱՄՆ-ն թույլ չի տա, որ Իրանի դեմ պատերազմը ձգձգվի տարիներ. Վենս

Արարատ Միրզոյանը հանդիպել է Ռումինիայի արտաքին գործերի նախարարի հետ

Ախուրիկում կառուցվում է նոր երիտասարդական կենտրոն

Ազգային ժողովի նիստ

Անհրաժեշտ կլինեն բարդ որոշումներ. Քուշները հայտնել է ռուս-ուկրաինական հակամարտության կարգավորման գործում առաջընթացի մասին

Վարդան Ոսկանյանը կշարունակի ղեկավարել Հայաստանի ձյուդոյի ֆեդերացիան