1 րոպեի ընթերցում
Հայաստանում առաջիկա 10 օրերին սպասվում է առանց տեղումների եղանակ։
«Արմենպրես»-ի փոխանցմամբ՝ այս մասին «Ֆեյսբուք»-ի իր էջում տեսաուղերձով հայտնել է «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։
«Առաջիկա 10 օրերին մեր երկիրը գտնվելու է հզոր անտիցիկլոնի ազդեցության գոտում, որը հանրապետության ողջ տարածքում ապահովելու է պարզ երկինք և առանց տեղումների եղանակ։ Օդի ջերմային ֆոնում առաջիկա 10 օրերին էական տատանումներ չեն կանխատեսվում»,- նշել է Սուրենյանը։
«Հիդրոօդերևութաբանության և մոնիթորինգի կենտրոն»-ի տնօրենի տեղակալը հավելել է, որ օդի ջերմաստիճանը Հայաստանում շարունակում է կլիմայական նորմայից բարձր մնալ 2-4 աստիճանով։