ՀՀ դեսպանը և Ուրուգվայի համալսարանի ռեկտորը մտքեր են փոխանակել համագործակցության նոր ուղիների շուրջ

Ուրուգվայում Հայաստանի Հանրապետության դեսպան Մարիամ Գևորգյանը հանդիպել է Ուրուգվայի Հանրապետության համալսարանի ռեկտոր Էկտոր Կանսելայի հետ:

«Արմենպրես»-ի հաղորդմամբ՝ այս մասին հայտնում է Ուրուգվայում ՀՀ դեսպանությունը։

Նշվում է, որ զրուցակիցները կարևորել են Երևանի պետական համալսարանի և Հանրապետության համալսարանի միջև ստորագրված համաձայնագրի շրջանակներում ծավալվող երկկողմ կրթական համագործակցությունն, այդ թվում՝ Հանրապետության համալսարանի Օտար լեզուների կենտրոնում հայոց լեզվի և գրականության դասընթացի անցկացումը: 

ՀՀ դեսպան Մարիամ Գևորգյանն ու ռեկտոր Էկտոր Կանսելան մտքեր են փոխանակել նաև Հանրապետության համալսարանի և Հայաստանի բարձրագույն ուսումնական հաստատությունների միջև համագործակցության նոր ուղիների շուրջ: