Քենիայում հանդիպել են Հայաստանի շրջակա միջավայրի և Պաղեստինի ԱԳ և արտագաղթյալների հարցերով պետական նախարարը
2 րոպեի ընթերցում
Հայաստանի շրջակա միջավայրի նախարար Համբարձում Մաթևոսյանը Քենիա կատարած աշխատանքային այցի շրջանակում հանդիպել է Պաղեստինի արտաքին գործերի և արտագաղթյալների հարցերով պետական նախարար Վարսեն Աղաբեկյանի հետ։
«Արմենպրես»-ի փոխանցմամբ՝ այս մասին Համբարձումյանը գրել է «Ֆեյսբուք»-ի իր էջում։
«Քենիա աշխատանքային այցի շրջանակում երկկողմ հանդիպում եմ ունեցել Պաղեստինի արտաքին գործերի և արտագաղթյալների հարցերով պետական նախարար Վարսեն Աղաբեկյանի հետ։
Հանդիպման ընթացքում տիկին Աղաբեկյանի հետ քննարկել ենք 2026 թվականին Հայաստանում հյուրընկալվելիք ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովի (#COP17) կազմակերպչական և օրակարգային հարցերը՝ ընդգծելով միջազգային համագործակցության կարևորությունն ու երկրների պատվիրակությունների արդյունավետ մասնակցության ապահովումը։
Անդրադարձ ենք կատարել նաև համաժողովի շրջանակում փորձի փոխանակման և գործընկերության ամրապնդման հնարավորություններին։
Զրույցի ընթացքում քննարկել ենք շրջակա միջավայրի պահպանության ոլորտում համագործակցության հեռանկարները, մասնավորապես՝ կենսաբազմազանության պահպանության, կլիմայական մարտահրավերներին արձագանքման և կայուն զարգացման ուղղություններով համատեղ նախաձեռնությունների խթանումը»,- գրել է Համբարձումյանը։
Համբարձում Մաթևոսյանը Քենիայում մասնակցել է ՄԱԿ-ի Շրջակա միջավայրի ասամբլեայի 7-րդ նստաշրջանին։