Պետական մարմիններում աշխատանքը պետք է գնալով ավելի գրավիչ լինի․ Փաշինյան

2 րոպեի ընթերցում

Կառավարությունը գումար հատկացրեց պետական կառավարման համակարգի մարմինների կատարողականի գնահատման և դրա հիման վրա խրախուսման պիլոտային ծրագրի համար: «Արմենպրես»-ի փոխանցմամբ՝ որոշումն ընդունվեց գործադիրի դեկտեմբերի 4-ի նիստում:

Փոխվարչապետ Տիգրան Խաչատրյանը հիշեցրեց՝ պիլոտային ծրագրի վերաբերյալ որոշումը կայացվել էր Կառավարության նախորդ նիստում, իսկ միջոցառումը բխում է հանրային կառավարման բարեփոխումների ռազմավարությունից, որի նպատակն է բարձրացնել կառավարման մարմինների արդյունավետությունը և հանրային ծառայության մրցունակությունը։

«Մեր աշխատանքի մեջ կան բազմաթիվ թերություններ, բայց, երբ մենք այդ թերությունների հետևից գնում ենք, տեսնում ենք, որ այդ թերությունների մի զգալի մասը կախված է նաև այն իրավիճակից, որ մենք ներդրումներ չենք անում կառավարման որակի բարելավման, պետական մարմիններում աշխատանքն առավել գրավիչ դարձնելու և աշխատանքի լրացուցիչ խթաններ և սոցիալական որոշակի երաշխիքներ ներդնելու ուղղությամբ»,- ասաց վարչապետ Նիկոլ Փաշինյանը:

Հայաստանի վարչապետն ընդգծեց, որ, եթե նման որոշումներ չկայացվեն, երկրի զարգացման ճանապարհին առկա մի կարևոր խոչընդոտ չի վերացվի:

«Դա այն է, որ պետական մարմիններում աշխատանքը պետք է գնալով ավելի գրավիչ և մրցունակ լինի մասնավոր հատվածի հետ: Պետական աշխատանքի հարգը պետք է ավելանա շարունակաբար»,- նշեց Փաշինյանը:

Քննարկումը եզրափակելով՝ Նիկոլ Փաշինյանը շեշտեց՝ պետությունը պետք է ուժեղացնի մարդուն, իսկ մարդը պետք է ուժեղացնի պետությանը:

Հայերեն

Սեդա Ղուկասյանը նշանակվել է Կենտրոնական բանկի հասարակայնության հետ կապերի բաժնի պետ

Պերուն արտակարգ դրություն է հայտարարել վառելիքի պակասի սպառնալիքի պատճառով

Նոր Սահմանադրության ընդունումից հետո խաղաղության համաձայնագրի ստորագրման և վավերացման երաշխիքներ կան․ Փաշինյան

ԱՄՆ-ում Իրանին մեղադրել են երկրի կարևորագույն ենթակառուցվածքների դեմ կիբերհարձակումներ իրականացնելու մեջ

Վարչապետը պարզաբանել է, թե ինչու Հայաստանը չի միացել Դուբլինի հռչակագրին

Պուտինը և Թրամփը կհանդիպեն Ասիա-խաղաղօվկիանոսյան տնտեսական համագործակցության գագաթնաժողովի լիագումար նիստից հետո

Վարչապետը նոր Սահմանադրության օրակարգն առաջ մղելու երկու ճանապարհ է ներկայացրել

Երևանում տներից մեկում բռնկված հրդեհը մարվել է․ հրշեջ-փրկարարները կանխել են կրակի տարածումը հարակից տներ

ԱԳՄԱ նախարարը գերիների հարցի լուծումը կապել է խաղաղության համաձայնագրի ստորագրման և համագործակցության հետ

Գազայում սպանվել է ՀԱՄԱՍ-ի ռազմական թևի երկու հրամանատար