1 րոպեի ընթերցում
Արժույթի միջազգային հիմնադրամը (ԱՄՀ) և Ուկրաինայի ներկայացուցիչները փորձագիտական մակարդակով համաձայնության են եկել մոտ 8,2 միլիարդ դոլարի ծավալով ֆինանսավորման նոր ծրագրի վերաբերյալ։ Ինչպես հաղորդում է «Արմենպրես»-ը, այդ մասին ասվում է ԱՄՀ կայքում հրապարակված հայտարարության մեջ։
Ծրագիրը նախատեսված է 48 ամսվա համար։ ԱՄՀ-ի պատվիրակության հանդիպումներն Ուկրաինայի իշխանությունների հետ տեղի են ունեցել նոյեմբերի 17-21-ը։
Գերագույն ռադայի բյուջետային հանձնաժողովի ղեկավար Ռոքսոլանա Պիդլասան ավելի վաղ հայտարարել էր, որ ԱՄՀ-ն բանակցություններ է սկսել Կիևի հետ ֆինանսավորման նոր ծրագրի շուրջ։