Ուկրաինան հայտնել է ռուսական հարձակման հետևանքով երեք քաղաքացիական անձի զոհվելու մասին

Ուկրաինայի արևելյան շրջանում գտնվող Բալակլեյա քաղաքում ռուսական հրթռիակոծման հետևանքով երեք մարդ է մահացել։ Ինչպես հաղորդում է «Արմենպրես»-ը՝ վկայակոչելով  Reuters-ը, այս մասին հայտարարել է Խարկովի մարզի ղեկավար Օլեգ Սինեգուբովը։ 

Telegram-ում արված գրառման մեջ Սինեգուբովը տեղեկացրել է նաև, որ հարձակման հետևանքով վիրվավորվել է 10 մարդ, որոնցից 3-ը դեռահասներ են։

Ռուսական կողմի հարվածների հետևանքով վնասվել են բազմաբնակարան շենքեր, ավտոտրանսպորտային միջոցներ։ 

Ռուսաստանը պաշտոնապես որևէ հայտարարությամբ հանդես չի եկել այս դեպքի վերաբերյալ։ Փոխարենը Ռուսաստանի պաշտպանության նախարարությունից հայտնել են, որ այս գիշեր երկրի տարբեր շրջաններում ոչնչացրել են ուկրաինական 36 անօդաչու թռչող սարք։