368.59
Գավառում հիմնվում է երիտասարդական այգի
1 րոպեի ընթերցում
Գեղարքունիքի մարզկենտրոն Գավառ քաղաքում «Գավառի երիտասարդների տուն բաց երիտասարդական կենտրոն»-ի հարակից տարածքում կառուցվում է երիտասարդական այգի։
Ինչպես «Արմենպրես»-ին տեղեկացրեց «Գավառի երիտասարդների տուն բաց երիտասարդական կենտրոն»-ի համակարգող Անի Պետոյանը, այգին կառուցվում է «Ակցիա սովի դեմ հիմնադրամ»-ի՝ ՄԱԿ-ի Փախստականների հարցերով գերագույն հանձնակատարի գրասենյակի կողմից ֆինանսավորվող «Հայաստանում փախստականների ինտեգրման ուժեղացում և համայնքների հզորացում» ծրագրի շրջանակում՝ նպատակ ունենալով ստեղծել ազատ ժամանակի և ոչ ֆորմալ կրթության հարմար միջավայր երիտասարդների համար։ Ծրագրի ընդհանուր բյուջեն 13 միլիոն 342 հազար դրամ է։
Շինարարական աշխատանքները մեկնարկել են նոյեմբերի սկզբին և կավարտվեն մինչև տարեվերջ։
«Երիտասարդական այգում տնկվելու են ծառեր, հիմնվելու է ամֆիթատրոնի ոճի կառույց, տեղադրվում են նստարաններ։ Այգին ծառայելու է բացօթյա ժամանց, հանդիպումներ ու քննարկումներ կազմակերպելու համար»,-նշեց Անի Պետոյանը։
Երիտասարդական այգու շինարարական աշխատանքներին հետևել է Գավառ համայնքի ղեկավար Գուրգեն Մարտիրոսյանը։
Բաժանորդագրվեք մեր ալիքին Telegram-ում