Ընդհանուր առմամբ մետաղաջարդոն էր. վարչապետը` 44-օրյա պատերազմում ՀՕՊ համակարգի խնդրահարույց վիճակի մասին
2 րոպեի ընթերցում
44-օրյա պատերազմում Հայաստանի կիրառած ՀՕՊ միջոցների մեծ մասը ջարդոն էր, իսկ դաշնակիցները Հայաստանին տրամադրել են միայն սիմվոլիկ աջակցություն։ «Արմենպրես»-ի հաղորդմամբ՝ այս մասին «Ֆեյսբուք»-ի իր էջում գրել է ՀՀ վարչապետ Նիկոլ Փաշինյանը՝ արձանագրելով ՀՀ երրորդ նախագահ Սերժ Սարգսյանի հայտարարություններին։
«Ի՞նչ կա չհասկանալու․ ձեր թողած ՀՕՊ համակարգը, ոչ թե առանձին վերցրած միջոցները, այլ, ընդհանուր առմամբ, ՀՕՊ համակարգը մետալալոմ էր։ Բառիս բուն իմաստով մետալալոմ։ Իսկ դաշնակիցները մեզ երեք մատի կոմբինացիա էին ցույց տալիս դրանք նորացնելու հայցերին ի պատասխան (ձեզ էլ էին երեք մատի կոմբինացիա ցույց տվել, հակառակ դեպքում 2018 թվականի դրությամբ մետալալոմի փոխարեն այլ բան առկա կլիներ)։
Ու որ հանկարծ իրենց կողմից մեզ երեք մատի կոմբինացիա ցույց տալը շատ աչք ծակող չլիներ, դաշնակիցները սիմվոլիկ մեկ-երկու բան էին մեզ գցում, անհրաժեշտի 0․1 տոկոսը, որ հետո թեմա բացվելու դեպքում մատնացույց անելու բան ունենան»,-գրել է վարչապետը։
Վարչապետը նշել է, որ ՀԱՊԿ անդամ լինելու հանգամանքը և տրամադրվող միջոցների հնարավոր տեղադրումն այլ տարածաշրջաններում ևս ազդել են աջակցության հարթության վրա։ «Մասնավորապես՝ երկու հանգամանք էին մատնացույց անում՝ ՀՀ ՀԱՊԿ անդամ լինելը և այն, որ տրամադրվող միջոցները կարող էին տեղակայվել ՀՀ ինքնիշխան տարածք չհանդիսացող տարածքներում»,- գրել է Փաշինյանը։
Վարչապետը նաև նշել է, որ իշխանությունն այն ժամանակ համապատասխանաբար փորձում էր ձեռք բերել և արդիականացնել այն, ինչ հնարավոր էր՝ անդրադառնալով նաև առկա ռազմական ղեկավարությանը և նրանց տրամադրած առաջարկություններին։ Փաշինյանը հրավիրել է քննարկելու թեման ուղիղ եթերում՝ մեկնաբանելով նաև քննադատություններին արձագանքը։
«Մենք էլ որտեղից ինչ հնարավոր էր, դա էինք փորձում ձեռք բերել, փորձում արդիականացնել, ի դեպ՝ այդ պահին ՀՀ-ում գործող ամենաբարձրաստիճան զինվորականների խորհուրդներին ու ռեկոմենդացիաներին ի պատասխան»,-գրել է վարչապետը։