Գեղարքունիքի մարզի բուժհիմնարկներում 2025 թվականի հոկտեմբերին ծնվել է 169 երեխա

Գեղարքունիքի մարզի բուժհաստատություններում 2025 թվականի հոկտեմբեր ամսին լույս աշխարհ են եկել 169 երեխա՝ 95 տղա, 74 աղջիկ։

Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի առողջապահության և սոցիալական հարցերի վարչությունից, 91 երեխա ծնվել է Մարտունու ծննդատանը, 32-ը՝ Գավառի, 24-ը՝ Սևանի, 19-ը՝ Վարդենիսի բժշկական կենտրոններում, 3-ը՝ Ճամբարակի առողջության կենտրոնում։  

2024 թվականի հոկտեմբերին Գեղարքունիքի մարզի բուժհիմնարկներում լույս աշխարհ էին եկել 161  երեխա՝ 98 տղա, 63 աղջիկ։