Հաղարծինի մոտ ավտոբուսի վթարից տուժած 18 անձանցից մեկի վիճակը ծանր է, մյուսները` միջին ծանրության
1 րոպեի ընթերցում
Հաղարծին վանական համալիրի մոտակայքում նոյեմբերի 2-ին տեղի ունեցած ավտոբուսի վթարի հետևանքով նախնական տվյալներով 18 տուժած տեղափոխվել է մարզային բժշկական կենտրոն։ «Արմենպրես»-ի փոխանցմամբ՝ այս մասին հայտնում է առողջապահության նախարարությունը։
Այս պահին տուժածներն անցնում են անհրաժեշտ հետազոտությունները, ստանում համապատասխան բուժօգնություն:
Մեկ տուժածի առողջական վիճակը գնահատվում է ծանր, այս պահին նա վիրահատվում է, մյուսներինը` միջին ծանրության:
Ըստ անհրաժեշտության` հանրապետական շտապօգնության ծառայության միջոցով կկազմակերպվի երևանյան բուժհաստատություններ տեղափոխումը:
Կտրամադրվի լրացուցիչ տեղեկատվություն: