Քննարկվել են Երևանի և Դուբայի միջև գործակցության հնարավորությունները

Երևանի քաղաքապետ Տիգրան Ավինյանը հանդիպել է Դուբայ քաղաքի գործադիր տնօրեն Մարվան Ահմեդ Բին Ղալիտայի հետ։

«Արմենպրես»-ի փոխանցմամբ՝ այս մասին հաղորդագրություն է տարածել Երևանի քաղաքապետարանը։ 

Հանդիպման ընթացքում կողմերը քննարկել են Երևանի և Դուբայի միջև համագործակցության հնարավորությունները՝ հատկապես քաղաքային թվայնացման, նորարար տեխնոլոգիաների և կառավարման արդյունավետությունը բարձրացնելու ոլորտներում։ 

Երևանի քաղաքապետը նշել է, որ Դուբայի տպավորիչ զարգացումն ու առաջադեմ տեսլականը ոգեշնչող օրինակ են աշխարհի շատ քաղաքների համար։ Տիգրան Ավինյանը նաև համոզմունք է հայտնել, որ երկու քաղաքների գործընկերությունը կնպաստի նոր նախաձեռնությունների իրագործմանը, փորձի փոխանակմանը և քաղաքային զարգացման նոր որակի ձևավորմանը: