ԵՄ դիտորդները Գեղարքունիքի մարզի Շատջրեք գյուղի աշակերտներին են ներկայացրել առաքելության նպատակներն ու գործունեությունը

Հայաստանի Հանրապետության տարածքում գործունեություն ծավալող Եվրոպական միության դիտորդական առաքելության ներկայացուցիչներն այցելել են Գեղարքունիքի մարզի Վարդենիս համայնքի Շատջրեք գյուղ՝ հանդիպելով տեղի դպրոցի աշակերտներին։

«Արմենպրես»-ի հաղորդմամբ՝ այս մասին նշված է ԵՄ առաքելության X-ի միկրոբլոգում տարածած գրառման մեջ։

On 27 October, our Martuni team visited the Shatjrek village school, where 35 students welcomed our monitors with enthusiasm and curiosity. The morning was filled with discussions, smiles, and genuine interest as the students learned more about the work and purpose of EUMA.🇪🇺🇦🇲 pic.twitter.com/QNpWZGeIzy

— European Union Mission in Armenia (@EUmARMENIA) October 28, 2025

Նշվում է, որ հանդիպման ընթացքում ԵՄ դիտորդները դպրոցի աշակերտներին են ներկայացրել առաքելության նպատակներն ու աշխատանքի էությունը։  

«Հոկտեմբերի 27-ին ԵՄ առաքելության Մարտունու թիմն այցելեց Շատջրեք գյուղի դպրոց, որտեղ 35 աշակերտներ ոգևորությամբ և հետաքրքրասիրությամբ դիմավորեցին մեր առաքելության անդամներին։ Առավոտը լի էր քննարկումներով, ժպիտներով և անկեղծ հետաքրքրությամբ, քանի որ աշակերտները ավելին իմացան Հայաստանում ԵՄ առաքելության աշխատանքի և նպատակի մասին»,-ասված է գրառման մեջ։