366.85
Հայոց ցեղասպանության թանգարանի տանիքի ջրահեռացման համակարգերի վերանորոգման և ամրակայման աշխատանքները մոտենում են ավարտին
1 րոպեի ընթերցում
Հայոց ցեղասպանության հուշահամալիրում և թանգարան-ինստիտուտում իրականացվող հիմնանորոգման և բարեկարգման աշխատանքների առաջընթացին և կատարման որակին ծանոթանալու նպատակով ՀՀ կրթության, գիտության, մշակույթի և սպորտի նախարար Ժաննա Անդրեասյանը հոկտեմբերի 28-ին հերթական այցն է կատարել հուշահամալիրի տարածք։
Նրան ուղեկցել է ԿԳՄՍՆ գլխավոր քարտուղար Հասմիկ Հակոբյանը:
«Արմենպրես»-ի փոխանցմամբ՝ ԿԳՄՍ նախարարությունից հայտնում են, որ կապալառու կազմակերպության պատասխանատուները նախարարին են ներկայացրել կատարված աշխատանքների ընթացքը՝ մանրամասնելով, որ թանգարանի և վարչական մասնաշենքի տանիքների ջրահեռացման համակարգերի վերանորոգման և ամրակայման աշխատանքները մոտենում են ավարտին, ինչի արդյունքում կլուծվի անձրևաջրերի ներհոսքի խնդիրը: Զուգահեռ` ըստ նախատեսված գրաֆիկի՝ ընթանում են հուշահամալիրի հարակից տարածքի կանաչապատման և բարեկարգման աշխատանքները։
Ներկայացվել են նաև «Հայոց ցեղասպանության» հուշարձանի մույթերի վերականգնման ուղղությամբ կատարված աշխատանքները:
Ժաննա Անդրեասյանը կարևորել է մասնագետների հետևողական և պատասխանատու աշխատանքը՝ ընդգծելով, որ անհրաժեշտ է խստորեն պահպանել որակի բարձր չափանիշներն ու աշխատանքների կատարման ժամկետները։
Բաժանորդագրվեք մեր ալիքին Telegram-ում