1 րոպեի ընթերցում
Ամերիկայի Միացյալ Նահանգների նախագահ Դոնալդ Թրամփը հայտարարել է, որ երկիրն ունի այնպիսի առաջադեմ սպառազինություն, որի գոյության մասին շատերն անգամ չգիտեն։ «Արմենպրես»-ի փոխանցմամբ՝ այս մասին Թրամփը հայտնել է Սպիտակ տանը լրագրողների հետ զրույցում։
«Մենք Չինաստանից շատ առաջ ենք ռազմական բոլոր ոլորտներում, բացի նավաշինությունից, բայց այնտեղ էլ շուտով կհասնենք նրանց»,- ասել է Թրամփը։
ԱՄՆ նախագահը, Չինաստանի մասին խոսելիս, նաև նշել էր, որ 2026 թվականի սկզբին պատրաստվում է այցելել այնտեղ։