Ձերբակալվել են Իջևանի նախկին քաղաքապետն ու նրա որդին

Հակակոռուպցիոն կոմիտեում քննվող քրեական վարույթի շրջանակներում ձերբակալվել է Իջևանի նախկին քաղաքապետ Վարուժան Ներսիսյանը։ 

«Արմենպրես»-ին այս մասին տեղեկացրեցին Հակակոռուպցիոն կոմիտեից՝ մանրամասնելով, որ նախկին քաղաքապետը մեղադրվում է փողերի լվացման և պաշտոնեական լիազորությունները չարաշահելու մեջ։ 

Նույն քրեական վարույթի շրջանակում ձերբակալվել է նաև նախկին քաղաքապետի որդին։