1 րոպեի ընթերցում
Սլովակիայի կառավարությունը հավանություն է տվել Ուկրաինայի հետ տեխնիկական և ֆինանսական համագործակցության մասին համաձայնագրին: «Արմենպրես»-ի փոխանցմամբ՝ այս մասին հաղորդել է TASR գործակալությունը։
Փաստաթուղթը գործնականում կիրականացվի համատեղ նախագծերի միջոցով, որոնք նախատեսում են, մասնավորապես, տեխնոլոգիաների փոխանակում երկրների միջև։ Սլովակիայի իշխանություններն, ըստ հրապարակման, կտրամադրեն ֆինանսական դրամաշնորհներ։ Այդ նախագծերից յուրաքանչյուրի համար կկնքվի կոնկրետ համաձայնագիր։
Փաստաթուղթը, ինչպես նշում է գործակալությունը, հաստատում է Բրատիսլավայի մտադրությունը՝ ակտիվորեն մասնակցելու Ուկրաինայի հետպատերազմյան վերականգնմանը: