Արմավիրի մարզի Արաքս գյուղում կրակոցների հետևանքով 1 մարդ զոհվել է. կա ձերբակալված

Ոստիկանությունն ահազանգ է ստացել Արմավիրի մարզի Արաքս գյուղում կրակոցների մասին։ 

«Արմենպրես»-ի հետ զրույցում այս մասին հայտնեց ՀՀ ՆԳՆ մամուլի խոսնակ Նարեկ Սարգսյանը՝ հայտնելով, որ կրակոցների հետևանքով 1 մարդ մահացել է։ 

«Նախնական տվյալներով կենցաղային հարցերի շուրջ ծագած վիճաբանություն է եղել: Կա ձերբակալված անձ: Հանգամանքները պարզվում են»,- նշեց Սարգսյանը։