Երևանի քաղաքապետարանը «Էրեբունի-Երևան-2807» տոնակատարությունների շրջանակներում հայտարարում է երեխաների երեք մրցույթ
2 րոպեի ընթերցում
Երևանի քաղաքապետարանի աշխատակազմի երեխաների և սոցիալական պաշտպանության վարչությունը «Էրեբունի-Երևան-2807» տոնակատարությունների շրջանակներում հայտարարում է մի շարք միջոցառումներ երեխաների մասնակցությամբ․
Ինչպես «Արմենպրես»-ին տեղեկացրին Երևանի քաղաքապետարանից, 3-5-րդ դասարանների աշակերտների համար կազմակերպվում է «Սիրո նամակ՝ Երևանին» շարադրությունների մրցույթ։ Շարադրությունները պետք է ներկայացնել դպրոցներում, որոնք կհավաքվեն և կներկայացվեն Երևանի քաղաքապետարան։
«11-14 տարեկանների համար՝ «Իմ Երևանը, իմ արվեստը» խորագրով մրցույթ։ Աշխատանքները պետք է ուղարկել, ներբեռնելով հետևյալ հղմամբ կամ ուղարկել children.social@yerevan.am էլ. փոստին:
13-15 տարեկանների համար՝ «Երևանն իմ աչքերով» մրցույթ։ Երեխաները կարող են ներկայացնել Երևանի մասին մինչև 5 րոպե տևողությամբ ցանկացած ժանրի տեսաֆիլմ՝ հետևյալ հղմամբ կամ ուղարկել children.social@yerevan.am էլ. փոստին: Յուրաքանչյուր միջոցառման ժամանակ հանձնաժողովի կողմից կընտրվեն 10 լավագույն աշխատանքները, որոնք կցուցադրվեն Երևանի քաղաքապետարանում։ Իսկ այդ աշխատանքների հեղինակ երեխաները կհյուրընկալվեն Երևանի քաղաքապետի կողմից»,- ասվումէ հայտարարության մեջ։
Հայտերի ներկայացման վերջնաժամկետը հոկտեմբերի 5-ն է։