368.54
1 րոպեի ընթերցում
Քրեական ոստիկանության Երևան քաղաքի վարչության թմրամիջոցների ապօրինի շրջանառության դեմ պայքարի բաժնի ծառայողները Համայնքային ոստիկանության Սիսիանի բաժնի գործընկերների հետ իրականացրած գործողությունների արդյունքում ձերբակալել են Սիսիան քաղաքի 52-ամյա բնակչի։ «Արմենպրես»-ի հաղորդմամբ՝ այս մասին տեղեկացնում է ՆԳ նախարարությունը։
Նրա վարած «Նիսան» մակնիշի ավտոմեքենան տեղափոխվել է պահպանվող հատուկ տարածք։ Տղամարդու անձնական խուզարկությամբ հայտնաբերվել է հոգեմետ 28 հաբ։
Սիսիանի քննչական բաժնում նախաձեռնված քրեական վարույթի շրջանակում կատարված զննությամբ նրա բնակարանում հայտնաբերվել է ապակե տարա՝ ափիոնի նմանվող զանգվածով։ Հաջորդ օրը զննվել է նաև ավտոմեքենան, որտեղից հայտնաբերվել է պոլիէթիլենային տոպրակ՝ ավելի քան 350 գրամ ափիոնանման զանգվածով։
Նախաքննությամբ հանգամանքները պարզվում են, օպերատիվ-հետախուզական միջոցառումները շարունակվում են։