Էստոնիայի ԱԳ նախարարը պատմական քայլ է համարում Հայաստանի և Ադրբեջանի միջև խաղաղության համաձայնագրի նախաստորագրումը

Էստոնիայի արտաքին գործերի նախարար Մարգուս Ցահքնան Հայաստանի և Ադրբեջանի միջև խաղաղության հաստատման ուղղությամբ պատմական քայլ է համարում Վաշինգտոնում Հայաստանի վարչապետ Նիկոլ Փաշինյանի, ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի մասնակցությամբ եռակողմ հանդիպման արդյունքներով երկու երկրների միջև խաղաղության համաձայնագրի նախաստորագրումը։ 

«Արմենպրես»-ի փոխանցմամբ՝ Էստոնիայի ԱԳ նախարարն այդ մասին գրել է X-ի իր միկրոբլոգում։ 

«Պատմական քայլ Հայաստանի և Ադրբեջանի միջև խաղաղության հաստատման ուղղությամբ։ Ես ողջունում եմ երկու կողմերի վճռականությունը, ԱՄՆ-ի առաջնորդությունը, ինչպես նաև ներգրավված այլ գործընկերների՝ ներառյալ Եվրամիության հետևողական ջանքերը։ Հիմա կարևոր է ամբողջությամբ և ժամանակին համաձայնեցված բոլոր քայլերի իրականացումը՝ ճանապարհ հարթելով տարածաշրջանում տևական խաղաղության համար»,- գրել է Ցահքնան։

Historic step between Armenia🇦🇲 and Azerbaijan 🇦🇿 towards peace.
I commend both sides’ determination, the US leadership, and partners—including the EU—for their consistent efforts.
It is crucial now to fully and timely implement all agreed steps, paving the way for lasting…

— Margus Tsahkna (@Tsahkna) August 9, 2025