1 րոպեի ընթերցում
Հայաստանի Հանրապետության տարածքում ավտոճանապարհները հիմնականում անցանելի են։
«Արմենպրես»-ի հաղորդմամբ՝ այս մասին հայտնում է ՀՀ ներքին գործերի նախարարության փրկարար ծառայությունը։
«Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար»,-ասվում է հաղորդագրության մեջ։
Ճանապարհային դեպարտամենտը հայտնում է՝ ճանապարհաշինական աշխատանքներով պայմանավորված՝ հուլիսի 4-ից Մ-1 միջպետական ճանապարհի (Երևան-Գյումրի) կմ 38+030 հատվածից (Ուջանի մոտից) երթևեկությունը կտեղափոխվի Հյուսիս-հարավի նորակառույց ճանապարհ։
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։