1 րոպեի ընթերցում
Հայաստանի բարձր տեխնոլոգիական արդյունաբերության նախարար Մխիթար Հայրապետյանը Սոֆիայում հանդիպել է Բուլղարիայի փոխվարչապետ Աթանաս Զաֆիրովի հետ։ «Արմենպրես»-ի փոխանցմամբ՝ հանդիպման մասին նախարարը գրել է «Ֆեյսբուք» սոցիալական ցանցի իր էջում:
«Քննարկեցինք Հայաստան-Բուլղարիա երկկողմ հարաբերությունների ընթացքը, օրակարգի ընդլայնման ու խորացման հնարավորությունները՝ քաղաքական, տնտեսական, տեխնոլոգիական, գիտատեխնիկական ոլորտներում։
Անդրադարձանք տարածաշրջանային և միջազգային վերջին զարգացումներին, ինչպես նաև փոխադարձ հետաքրքրություն ներկայացնող մի շարք այլ հարցերի։
Վստահ եմ, որ այս համագործակցության հետագա զարգացումը մեծապես կնպաստի մեր երկրների միջև հարաբերությունների ամրապնդմանը»,-գրել է ԲՏԱ նախարարը: